Мәктәбебез укучылары бүген район күләмендә уздырылган экологик конференциядә уңышлы чыгыш ясадылар. 3нче сыйныф укучысы Гарипова Ранилә(җитәкчесе Хөснетдинова Г.К.) 1нче урынга, 4нче сыйныф укучысы Зиганшина Илгия (җитәкчесе Мөхәммәтшина Г.Н.)2нче урынга лаек булдылар.

Бүген мәктәбебездә район мәктәпләре китапханәчеләре өчен семинар булды. Семинар кысаларында педагог-китапханәче Нуриева Н.Г. "Язның бер көне"дип исемләнгән  китапханә дәресе уздырды. Укучылар җыйган  материаллар журнал итеп  тупланды. 

6,7,8,9 сыйныф укучылары егетлэреннэн торган волейбол командасы район Спартакиадасында 2- урын яулады! Афэрин, егетлэр!

Мәктәбебездә биология укытучыларының  район семинары  узды. Югары категорияле  укытучы Сабирова Р.Х 9нчы сыйныф укучылары белән "Биосферада матдәләр алмашы" темасына ачык дәрес үткәрде..

Бүген  укучылар өчен  "Знатоки  среди нас" дип исемләнгән  рус теле көне  уздырылды. Башлангыч сыйныф укытучысы  Муллагалиева З.Г. "Үз уеныбыз" дигән интеллектуаль бәйге үткәрде. 

Халыкара хатын-кызлар  көне уңаеннан мәктәбебездә  "Ягез әле, кызлар" бәйгесе узды.Ярышта  укучылар белән берлектә укытучылар командасы да көч сынашты.  

Куркынычсызлык көне "Знатоки дорожного движения" викторинасы белән башланып китте. Аннан соң укучылар башлангыч сыйныф укытучысы Хөснетдинова Г.К уздырган "Тылсымлы патшалыкка сәяхәт" КВНында көч сынаштылар.

Сәнгать көне уңаеннан бүген башлангыч  сыйныф укытучылары  әниләр өчен бәйге уздырдылар. Бәйгедә башлангыч сыйныф һәм 5-9 сыйныф әниләреннән торган ике команда көч сынашты. Укучылар әниләре өчен яңа җырлар, биюләр башкарып, бәйрәмне тагын да ямьләндерделәр.

Башлангыч сыйныфлар атналыгы кысаларында бүген Математика көне узды. Шул уңайдан укучылар математик ребуслар чиштеләр, башлангыч сыйныф укытучысы Хасанова З.Х. үткәргән "Саннар илендә кунакта" дип исемләнгән интеллектуаль бәйгедә көч сынаштылар.