Бүген мәктәбебезнең башлангыч сыйныф укучылары өчен Г.Тукайның 140 еллык юбилеена багышланган “Тукай яши безнең йөрәкләрдә” дип исемләнгән әдәби музыкаль кичә уздырылды. Бәйрәм чарасы сыйныф җитәкчеләре, район балалар китапханәсе хезмәткәрләре һәм тәрбия эшләре буенча директор киңәшчесе тарафыннан әзерләнде. Кичәдә укучылар сөекле шагыйребезнең тормыш юлы белән таныштылар, аның Әтнә районы авылларында да булуын белделәр, Су анасы һәм Шүрәленең табышмакларына, сорауларына  җаваплар эзләделәр, шагыйрьнең шигырьләрен яттан сөйләделәр, ә 1-2 нче сыйныф укучылары шагыйрьнең шигырь- әкиятләрен сәхнәләштерделәр. Тукай шигырьләрен өйрәнү, сөйләү –телне, милли горурлыкны саклауның матур бер юлы. Бәйрәм татар халкының гимны булып торган “Туган тел “җыры белән тәмамланды.