“Кайвакыт  җәй көне әти белән Әтнә базарына  бара идек. Ул үзенең хезмәтләре илә базар арасында йөргәндә мин ат тотып тора идем”, -дип яза халкыбызың бөек шагыре Габдулла Тукай узенең  “Исемдә калганнар”  китабында. Бер гасырдан артык гомер үткәннән соң,  Әтнә базары  заманча киенгән, ләкин йөзендә  зирәклек һәм моңсулык  чагылган    Габдулла Тукайны кабаттан каршы алды. Мәктәбебезнең  7 А, Б, В сыйныфы  укучылары да бүген Әтнә базарында Г.Тукайның  140 еллыгына багышланган чарада булып, татар халкының бөек шагыйрен  каршыладылар.  Базарның үзәк мәйданчыгында Әтнә дәүләт татар драма театры артистлары сәхнәләштергән күренеш, чын мәгънәсендә, укучыларны шул  чор эченә алып кереп китте. Алар Г. Тукайның шигырьләрен, анын әсәрләренә язылган җырларны тыңладылар, әкият геройлары белән фотога төштеләр. Бөек шагыйрьнең  140 еллыгын билгеләп үтү уңаеннан оештырылган чара, һичшиксез, һәр укучының  хәтерендә уелып калырлык булды.