Фельдшер Римма апалары балаларның сәламәтлеге турында һәрвакыт кайгыртып тора. Ул аларга грипптан саклану чаралары турында сөйли.

Тиздән Яңа ел бәйрәме җитә. Без дә чыршыбызны бизәп куйдык. Бәйрәмебездә Кыш бабай белән Кар кызын көтәбез.

Без урамда төрле уеннар уйныйбыз. Саф һава- җанга дәва.

Әкиятләр аша сөйләм телен үстерәбез, сүз байлыгын арттырабыз.

Кошларны тәмле җим белән сыйлыйбыз.

Укырга әзерлек төркемендәге балалар белән шашка уйнарга өйрәнәбез. Уен аша уйлау сәләтен үстерәбез.

Без балалар белән сәламәтлек турында еш сөйләшәбез, китаплар укыйбыз һәм уен аша өйрәнгәннәрне ныгытабыз.

Тукай шигырьләре сөйләү бәйгесе узды. Һәр бала матур итеп сөйләргә тырышты.

Әниләр арасында "Тәмле көрәш" конкурсы уздырдык. Һәр әни үзе пешереп алып килгән ризыклар белән таныштырды,пешерү осталыгын өйрәтте. Конкурс мул табын артында дәвам итте. Бәйрәмгә бакча мөдире каз пешереп алып  килгән иде.

Кышның беренче көненә аяк бастык. Үзенең аклыгы, сафлыгы белән күңелләргә рәхәтлек бирә ул.

Кыш бабай килгән,ап-ак тун кигән,

Көтә кем генә чыгар дип өйдән.

Чыксаң чеметә,битне өшетә

Менә шул аның бөтен эше дә.