Иске-Йорт башлангыч мәктәбе укучылары Габдулла Тукай туган көннәрдә аның шигырьләрен,әкият-мәсәлләрен укыдылар."Без Тукайны беләбезме?" дигән сорауга җавап эзләделәр.

Мәктәбебездә  Тукай  көннәре  кысаларында  төрле чаралар үткәрелеп килә.  Класс  сәгатьләрендә  укучылар шагыйрьнең   тормыш  мизгелләре  турында   видеофильм  карадылар, Габдулла Тукайның иҗатын искә төшерделәр, белем-күнекләләрен яңа мәгълүматлар белән тулыландырдылар.  Башлангыч класс укучылары “Могҗизалар кырында” булып, аның тормыш юлы, иҗаты  буенча  белемнәрен сынап карадылар. Сораулар  шагыйрьнең “Исемдә калганнар” әсәре  буенча  төзелгән иде. Әлбәттә, укучылар сынатмадылар.

Бүген 4  нче  класс  укучылары    Республика күләмендә үткәрелгән белем бирү сыйфатын  бәяләү мониторингында катнаштылар һәм математикадан йомгаклау эшен эшләделәр.

Мәктәбебездә    “Язгы  изгелекләр  атнасы” дәвам итә.  Бүген “Мәрхәмәтле сүзләр”  көне.  Көннең  девизы  шундый:

Мәрхәмәтле булыйк олыларга

Миһербанлы булыйк кечегә.

Яхшы сүзебезне кызганмыйк без

Дөньядагы һәрбер кешегә.

   Башлангыч  классларда  “Син ягымлы сүзләр беләсеңме” дигән темага  тәрбия сәгатьләре,  5- 7 нче  классларда  “Мәрхәмәтле булыйк!” 8 – 9 нчы классларда  “Ягымлы сүзләрне   еш әйтәбезме?”  дигән  диспутлар үткәрелде. Әңгәмәләр  барышында  шулай ук табигатькә, хайваннарга да мәрхәмәтле булырга кирәклеге әйтелде. Табигатьне пычратмас өчен без нәрсәләр эшләргә һәм нәрсәләр эшләмәскә кирәклеге турында сөйләшенде.Әби-бабаларыбызга, әти-әниләребезгә, туганнарыбызга, иптәшләребезгә ягымлы сүзләрне  ешрак әйтергә кирәк, табигатьне саклау-  безнең изге бурычыбыз  дип йомгак ясалды.  

"Весенняя неделя добра-эстафета добрых дел" акциясе үз эшен дәвам итә. Бүген мәктәбебез  укучылары Бөек Ватан сугышында катнашкан ватандашларыбызны хөрмәтләү йөзеннән "Георгий ленталары"   өләшә башладылар. Шул ук  вакытта  тимурчылык эшен   дә дәвам  иттеләр. 

Китапханәче Корбангалиева Ф.укучыларга "Әкиятле балачак"дигән викторина үткәрде.Соңыннан укучылар яңа китаплар белән таныштылар.

Сегодня в нашей школе стартовала эстафета добрых дел   #ДОБРЫЙТАТАРСТАН.  

Класс җитәкчесе  Г. Р. Вәлиева    6 нчы класс укучылары белән    "Тукай яши безнең йөрәкләрдә"  дигән темага класс сәгате  үткәрде.

17 нче апрель көнне  "Казан арты" тарих-этнография музееның актлар залында "Моңлы сазым" әдәби-музыкаль кичәсе булып узды.Кичәнең максаты - укучыларда сөекле шагыйребез Габдулла Тукай иҗатына мәхәббәт һәм әдәби иҗатка кызыксыну тәрбияләү иде.Музейга килгән  укучылар Г.Тукайның шигъри әсәрләрен укыдылар, җырларын башкардылар.Безнең мәктәптән 8 нче класс укучысы Әхмәтҗанова Илүзә Габдулла Тукайның  "Ана догасы" исемле шигырен тәкъдим итте."Моңлы сазым" әдәби-музыкаль кичәсендә катнашучы укучыларга дипломнар тапшырылды.

"Чисталык  икеайлыгына" кушылып,   мәктәбебезнең барлык укучылары, укытучылары, хезмәткәрләре өмәгә чыктылар.