21 нче февраль –Халыкара туган тел көне. Китапханәче Корбангалиева Ф.һәм башлангыч класс укытучылары тарафыннан туган телгә багышланган шигырьләр укылды, тел турында мәкальләр әйтелде. Кунакка мәктәпкә керүче балалар да чакырылды.Кичә “Туган тел”җыры белән тәмамланды.

В рамках военно-патриотического месячника проводился смотр строевых песен

Өчиле төп гомуми белем мәктәбендә Арча районы Наласа авылында туып үскән мөгаллим , доцент,филология фәннәре кандидаты,бик күп хикәяләр,повестьлар авторы  Шакирова Гүзәл Әдһәм кызы кунак булды. Очрашуда язучы үзе,тормыш юлы,иҗаты  турында сөйләде.Истәлек фотографияләрен күрсәтте.Мөлаем,ачык йөзле Гүзәл ханым белән укучылар арасында җылы әңгәмә үтте.Укчыларыбыз хикәяләрен укыганнан соң үзләрендә туган сорауларын язучыга бирделәр. Укучыларыбызның белемнәрен дә тикшереп алды ул.Төрле шагыйрьләрнең шигъри юлларын,әсәр исемнәрен таныган укучыларга истәлекле китаплар тапшырды. Очрашу җыр бию белән үрелеп барды.

Кечкенә спортчыларыбыз безне һәм әти-әниләрен гел  сөендереп торалар. ГТО дисезме, ярышлар дисезме... барсына да өлгерәләр. Менә тагын чираттагы  мәктәп линейкасында физкультура укытучысы Гөлнара Рәфкәт кызы аларны дирекция исеменнән бирелгән грамоталар һәм медальләр белән бүләкли. Карагыз, үзләре дә горур! Әфәрин, балалар! 

Кичә район күләмендә  мәгариф хезмәткәрләренең профсоюз  оешмасы  тарафыннан үткәрелгән чаңгы  ярышларында  мәктәбебез укытучылары  да  актив катнаштылар.

Күренекле татар халык шагыйре Габдулла Тукайның 130 еллыгына багышланган "Күңелле стартлар" уенында катнашып, безнең мәктәп  командасы  призлы  икенче урынны яулады. Афәрин, укучылар! Җитәкчеләре - физик тәрбия укытучысы Г.Р. Вәлиева. Котлыйбыз, киләчәктә дә уңышлар телибез!

Хәрби – патриотик айлыкта 5-6 класс укучылары мәктәбебез музеендагы  “Батырлык почмагы” белән таныштылар. Алар Бөек  Ватан сугышы ветераннарының тормыш юллары белән кызыксындылар. “Исәннәрнең   кадерен бел, үлгәннәрнең каберен бел!” ергә кирәклеге аңлатылды.

Февраль ае-Туган тел айлыгы дип игълан ителде.Бүген мәктәбебездә шул уңайдан “Туган тел бәйгесе”үткәрелде.Бәйгедә 5 һәм 6 сыйныф укучылары үзара көч сынашты.Алар үзләрен тапкырлыкта,зирәклектә сынадылар,иҗади осталыкларын күрсәттеләр.

Кичә ,15 февраль Герой – шагыйрь Муса Җәлилнең  тууына 110 ел тулу датасын билгеләп үттек. Бу бәйрәмгә укучылар бик тырышып әзерләнделәр. Шагыйрьнең шигырьләрен ятладылар, аның сүзләренә язылган җырларны өйрәнделәр, әсәрләренә рәсем ясадылар . Шагыйрьнең тормыш юлын һәм иҗатын тирәнрәк өйрәнү максатыннан презентация карадылар.

15 февраль көнне безнең мәктәп стеналарында "Ел укытучысы 2016" район бәйгесенең "Иң яхшы сыйныф җитәкчесе" номинациясендә катнашкан төрле  мәктәпләрдән килгән укытучылар тәрбия сәгатен безнең мәктәп балалары белән үткәрделәр. Анда 5, 6 һәм башлангыч сыйныф укучылары бик актив катнашты. Тәрбия сәгатьлэре берсеннән берсе мактауга лаеклы иде. Үзебезнең мәктәп укытучылары да  аларга ярдәм иттеләр һәм үткәргән чараларга анализ ясадылар. Мондый чара тәҗрибә белән алмашыну өчен дә бик файдалы булды. Колегаларыбызга киләчәктә дә зурдан-зур уңышлар телибез һәм зур үрләр яулауларына ышанабыз!