Балаларда кечкенәдән яшьтән үк татар милли киемнәренә кызыксыну тәрбиялибез.Милли киемнәрнең исемнәре,бизәлеше белән ББЭ дә буш вакытларында   балалар танышыр өчен барлык кирәкле материаллар да бар.

Телнең сәнгатьлелеген камилләштерүгә , хәтер сәләтен үстерүгә, балаларга таныш әкиятләрне сәхнәләштерү дә уңай йогынты ясый. Өлкән төркемдәге балалар "Әтәч белән куян" әкиятен сәхнәләштерәләр.

Балаларның туган ил турындагы күзаллауларын кинәйтү,"кече илгә " карата кызыксыну формалаштыру максатыннан "Туган ягым Арча" дигән презентация эшләдек. Рәсемнәр ясадык, шигырьләр, җырлар өйрәндек.

Бу атнада "Туган ягым - Татарстан" дигән проект эшен башлап җибәрдек. Балаларда туган якка карата ярату хисе тәрбияләү , Татарстан башкаласы Казан турында белемнәрен тирәнәйтү өстендә эшләдек. Өлкән төркемдәге балалар белән, күмәк эштә, Казан Кремелендәге корылмаларны эвәләдек.Балалар бик тырышып, яратып бу эшне иҗат иттеләр.

Бакчада "Көзнең бер көнендә... "-дигән иртә бик күңелле үтте. Иртәгә укытучы апаларын чакырдык. Иртә җырлар, биюләр, шигырьләр, уеннар белән аралашып барды. Көз темасына багышланган викторинада зур төркем балалары   бик актив катнаштылар.

   Бакчада ата-аналар  һәм балалар көче белән "Челтәр -челтәр яфрак" -дигән күргәзмә оештырдык.

 Без ата- аналар белән тыгыз элемтәдә торабыз. Ата-аналар теләге белән электрон эләмтә дә оештырылды. Ә бүген бездә "ФГОС белән укыту-тәрбия эшен алып бару”темасына багышланган ата- аналар җыелышы уздрылды.

Бакчада балалар төрле рольләргә кереп уйнарга яраталар ."Ряженка" почмагында моның өчен бөтен мөмкинлекләр дә бар. Карагыз әле, чын Әлмәндәр түгелме?!

Бакчада сәхнәләштерү аша балаларда артистлык күнекмәләрен үстерәбез. Телнең сәнгатьлелеген камилләштерү, хәтер сәләтен үстерү өстендә эшлибез. Балалар таныш әкиятләрне сәхнәләштерергә бик яраталар. Мәктәпкә әзерлек төркем балалары "Шалкан" әкиятен сәхнәләштерәләр.

Бүген  Зиләнең туган көне.Бүген иртәдән зур кызлар  иҗат почмагында мәш киләләр, дусларына бүләк әзерлиләр. Без дә Зиләне чын күңелдән котлыйбыз. Шушындый ягымлы, тәртипле,  кешелекле булып кал. Барлык апаларың да сине бик яраталар.