10 октябрь көнне үткәрелгән Түгәрәк өстәлдә Арча районы мәшгульлек үзәге психологы Инна Рәисовна Нурмиева катнашты. Ул 9 нчы сыйныф укучылары белән һөнәри юнәлеш буенча тест уздырды. Әлеге тест ярдәмендә укучылар киләчәктә һөнәр сайлаганда нинди юнәлешне күздә тотарга кирәклеген бик тиз ачыклый алдылар.   

Мәктәп күләмендә узган линейкада Бөтенроссия "Альбус" конкурсының язгы сессиясендә  актив катнашкан 22 укучыга Дипломнар , истәлекле бүләкләр һәм сертификатлар тапшырылды.

7 октябрь көнне укучылар Арча шәһәренең картлар йортына өлкәннәрне бәйрәм белән котларга бардылар. 5-7 класс укучылары аларга яраткан шигырьләрен, җырларын бүләк иттеләр.

Кадерле укытучыларыбыз! Сезне һөнәри бәйрәмегез белән чын күңелдән тәбрик итәбез. Сезгә сәламәтлек, иҗат һәм һөнәр уңышлары телибез.

"Яшә, урман!" Бөтенроссия акциясе кысаларында мәктәп территориясенә 25 төп агач утыртылды.

1 октябрь-өлкәннәр көне уңаеннан укучылар аларны котлап өйләренә бардылар, бүләкләр бирделәр.

         28 сентябрь көнне участок уполномоченные Шәрәпов Марсель Гаптрауф улы белән “Куркыныч янаганда” дигән темага очрашу-әңгәмә уздырылды. 

Укучыларда чисталык, пөхтәлек сыйфатлары булдыру, тәмәке, алкоголь, наркотиклар куллануның тискәре йогынтысы турында аңлату эшләре алып баруда тәрбия дәресләренең әһәмияте зур.

23 нче сентябрь көнне  мәктәп күләмендә терроризм һәм экстремизмга каршы “Авто, мото, велопробег” исемле кичә уздырылды. 9 нчы класс укучылары велосипедларда, мотоциклларда йөреп, һәркемне тыныч, матур тормышта яшәргә чакырдылар.

Терроризмга каршы көрәш максатыннан укучылар арасында иншалар конкурсы ,  “Терроризм һәм экстремизм – җәмгыятькә янау!” темасы астында рәсемнәр, плакатлар  конкурсы үткәрелде.