Бүген 1-нче категорияле физика һәм математика укытучысы Шәмсемөхәмәтова Гөлназ Фирдүсовна физика атналыгы кысаларында 8-9 -нчы класслар арасында "Физикадан зиһен базары" дип исемләнгән ачык класстан тыш чара үткәрде. Класслар ике командага бүленде: "Эйнштейн оныклары" һәм "Яшь ньютончылар". Чара ярыш формасында бик күңелле һәм матур үтте. Укучылар физика фәненнән үз белемнәрен сынадылар, сорауларга җавап бирделәр. Барысына да зурдан-зур уңышлар телибез! 

      Бүген  физика укытучысы Гөлназ Фирдүсовна мәктәбебездә Космонавтика көне уңаеннан, 1-4 нче сыйныф укучылары өчен “Галәм киңлеге” дигән ачык чара уздырды. Әлеге чараның максаты: укучыларда Космосны үзләштерү тарихы һәм беренче космонавтлар белән таныштыру, космонавтика өлкәсендәге казанышлар турындагы белемнәрен арттыру.  Башта балалар кешеләрнең Галәм киңлекләрен ничек өйрәнүләрен һәм 12 апрельнең ни өчен Космонавтика көне дип аталуын искә төшерделәр. Укучылар Галәм киңлегенә сәяхәткә космик корабльгә утырып киттеләр. Кояш системасы буйлап очканда алар Кояш тирәли нинди планеталар әйләнүен искә төшерделәр. Әлеге чара укучыларда нык кызыксыну уятты. Мондый чаралар балаларда патриотлык һәм үз илләре белән горурлану хисе тәрбиялиләр.

            Бүген мәктәбебездә 3 нче чирек нәтиҗәләре буенча педсовет утырышы үтте. Көн тәртибенә куелган темалар буенча "Белем бирүдә федераль дәүләт стандартларын куллану" татар теле һәм әдәбияты укытучысы Нәгыймова Равилә Рәфкатъ кызы, "Сәламәтлек - иң зур байлык" темасы буенча физик тәрбия укытучысы Набиуллин Разил Расип улы эчтәлекле чыгыш ясадылар. Соңыннан чирек нәтиҗәләре буенча һәр класс җитәкчесе нәтиҗәле анализ үткәрде.

          Целью акции было привлечение внимания общественности к проблемам наркомании и пропаганды здорового образа жизни. Организаторами акции выступили члены «SMS-дети» В рамках акции волонтерами было распространено  буклеты  и листовок антинаркотической направленности среди населения и молодежи села Сикертан и Губурчак. Данная акция в очередной раз напоминает населению и молодежи села о необходимости ведения здорового образа жизни.

    Тиздән Бөек Җиңүнең 71 еллыгы. Бик күп авылдашыбыз Ватаныбыз азатлыгы өчен көрәштә яу кырында башларын салганнар. Җирлегебездә сугыштан исән-имин кайткан бердәнбер сугыш ветераны яши. Ул - Дәүләтшин Фатих абый. Бүген тарих укытучысы Хисматуллин Илнар Илгизәр улы белән берлектә 5 нче сыйныф укучылары Фатих абыйга барып хуҗалык эшләрендә ярдәм иттеләр. Соңыннан ветеран сугыш хатирәләре турында истәлекләр белән уртаклашты.

Наша школа приняла участие во Всероссийской акции "Мы готовы к ГТО". Цель этой акции - мотивация детей и подростков к физической активности, приобщение подрастающего поколения к здоровому образу жизни, позиционирование физкультурно-спортивного комплекса "Готов к труду и обороне". Ребята активно сдавали нормативы и даже на некоторые свои неудачи в результатах сильно не расстраивались.

     6 нчы сыйныф укучылары Хәбирова Сиринә Илшатовна җитәкчелегендә, тыл ветераннарына булышуны дәвам итеп, игелекле гамәлләр кылып кайттылар.

 Яшәү безгә авыр булыр иде,

 Яхшылыктан башка.

 Шуңа күрә яхшылыкны эшлик

 Без үзебез башта.

            Мәктәбебездә Бөек Җиңүнең 71 еллыгын каршы алу уңаеннан игълан ителгән "Игелекләр эшләү атналыгы" дәвам итә. Бүген 8 нче класс укучылары укытучы Нәбиуллин Р.Р. җитәкчелегендә тыл ветераны Газизова Минзада апа янына бардылар. Ветеранга хуҗалык эшләрендә ярдәм иттеләр. Минзада апа аларга бик рәхмәтле булды.

 Г.Тукайның  130 еллык юбилее якынлаша. Шул уңайдан Арча районында  Габдулла Тукайны олылап бик күп мәдәни чаралар үткәрелә.  Г.Камал исемендәге Сикертән төп гомуми белем мәктәбендә Г.Тукайның тормышы  һәм иҗатына багышлап класс сәгатьләре үткәрелде. 9 нчы класс укучылары  класс җитәкчесе  Нәгыймова Равилә Рәфкать кызы белән берлектә  «Г.Тукайның -  дуслары, каләмдәшләре”  дигән темага фикер алыштылар. 

   Мәктәбебездә Игелекләр эшләү атналыгы дәвам итә. Бүген башлангыч классларда  Яхшылык дәресләре үтте. Укучылар дәрестә "Нәрсә ул изгелек?",  "Ничек яхшылык эшләргә?" дигән темаларга фикер алыштылар.