19 май көнне 10 класс укучылары класс җитәкчеләре Рүзилә Рафиковна җитәкчелегендә авылыбызның төп су бирә торган чишмә янын җыештырдылар.

Бүген 9нчы һәм 11нче сыйныф укучылары мәктәбебезнең БДИнарында организатор булачак укытучылар белән очрашты. Алар укып кайтканнан соң имтиханның тәртибе, нинди шартларда үтәчәге, укучыларга куелган таләпләр белән таныштырдылар.

Бүген мәктәбебезгә Арча социаль гуманитар техникумы директоры һәм аның урынбасары килде. Алар укучыларга укырга керү тәртибе, нинди юнәлешләрдә укып булганлыгын сөйләделәр. Укучыларның сорауларына җавап бирделәр.

Бүген мәктәптә 4 класс укучыларын варисларга кабул итү тантанасы булды. Алдынгы варислар булачак варисларга галстуклар бәйләделәр. Варислар ант кабул итте, Татарстан варислары Гимны яңгырады. Бәйрәм "Шушмабаш гимны" белән тәмамланды.

Бүген бездә ел да көтеп алына торган, яраткан чараларның берсе - Язгы аҗаган булып үтте. Укучыларыбыз стройда атлау, мылтыктан ату һәм башка төрле ярышлырда көч сынашты. Егетләр белән беррәттән төгәл һәм батыр кызларыбыз безне сокландырды. 

Ел саен көннәр җылынып, агачлар яфрак ярып, табигать яшелләнгәннән соң мәктәп яны спорт мәйданчыгында "Спорт бәйрәме" үтә. Укучылар төрле спорт төрләре буенча ярышып көч сынаша, үзләренең әзерлеген күрсәтә.

Мәктәбебезнең футбол командасы безне тагын сөендерде! Районда уздырылган финал ярышларында егетләребез 3 урынны яулады! Афәрин, егетләр!

9 класс укучылары Арча агропромколледжының ачык ишекләр көнендә булып, уку шартлары, мөмкинлекләре белән танышып кайттылар

Бүген мәктәптә ООО "СХП "Северный" беренчелегенә татар башкорт көрәше буенча ярыш булды.Ярышта Шушмабаш, Ашытбаш, Кенәр, Пөшәңгәр мәктәп командалары катнашты. Кискен көч сынашуда Шушмабаш мәктәбе 1 урынны яулады. Җиңүчеләргә      ООО "СХП"  "Северный" җитәкчесе Хайруллин Рөстәм Габдуллаҗанович исеменнән кыйммәтле бүләкләр тапшырылды.Җиңүче егетләребезне котлыйбыз! Рөстәм Габдуллаҗановичка олы рәхмәтебезне җиткерәбез!