22 февраль көнне Ватанны саклаучылар көненә багышланган 5-8 класс егетләре катнашында "Ягез әле, егетләр" бәйгесе үткәрелде. Егет кешегә җитмеш төрле һөнәр дә аз, диләр. Бүген без егетләрне төрле өлкәдәге һөнәрләрләрен сынадык. Егетләребез бәйгедә кадак та кактылар, бәрәңге әрчеделәр, төрле интелектуаль сорауларга җавап бирделәр.Бәйрәм бик күңелле булды

Ватанны саклаучылар көне - 

Чын ирләрнең бүген бәйрәме.

Туар таңнарыбыз тыныч булсын,

Артсын бәхет-шатлык күләме!

Бәйрәм унаеннан укучыларыбыз үз куллары белән әтиләргә бүләк ясадылар. Күңел җылысын бире пэшләгән эшләре бик матур килеп чыкты. Әти-әни тигезлеге белән үссен балалар!

Туган тел көне уңаеннан 21 нче февральдә "Дөньяда иң матур тел- ул минем туган телем " дип исемләнгән әдәби-музыкаль  кичә үткәрелде. Күренекле шәхесләрнең иҗаты искә төшерелде, туган тел турында шигырьләр сөйләнде, җырлар җырланды. Кичәне оештыручы укытучыларга һәм катнашкан укучыларга бик зур рәхмәт.  

Мәктәбебез музееннан бүген укучылар өзелмәде.  Берәүләрне авыл , мәктәп тарихы кызыксындырса, икенчеләр Бөек Ватан сугышын яктырткан экспонатлар  янында булды. Ничек кенә булмасын  һәр укучы үзен кызыксындырган сорауларга җавап таба алды. 

Айлык кысаларында бүген мәктәбебездә 2-4 класс малайлары  5-6 класс егетләренә каршы хоккей ярышында катнаштылар.Уен бик көчле булды. Кечкенә генә булуларына карамастан башлангыч сыйныф малайлары сынатмадылар.Уенның бөтен тәртипләрен саклап бик матур уен күрсәттеләр.Нәтиҗә 2:7 5-6 класслар файдасына.

Тарих атналыгы кысаларында  "Законнарны төгәл үтә" дип исемләнгән интеллектуаль-хокукый бәйге үтте.  Ачык чарада 6-7 нче сыйныф укучылары көч сынашты.  Укучылар   хокукый мәсьәләләр чиштеләр, төрле ситуацияләрдән чыгу юлларын эзләделәр, үзләрен чын хокук белгечләре итеп күрсәттеләр. Афәрин!

Әле кайчан гына мәктәп ишекләрен киң итеп ачып укучыларны кабул иткән булсак, инде бүген  Әлифба бәйрәмнәре гөрли. Мәктәбебезнең  14 укучысы, ныклы әзерлек белән бәйрәм итеп, беренче китап белән хушлашты. Әти-әниләр катнашында үткән әлеге бәйрәм яхшы кәеф, күтәренке рухта үтте. Уңышлар сезгә, укучылар! 

Мәктәбебездә туган тел һәм тарих атналыгы башланды. Атна дәвамында  укучыларны интеллектуаль бәйгеләр, эчтәлекле класс сәгатьләре, күңелле чаралар көтә. 

 15 февраль-Әфган сугышы геройларын искэ алу көне уңаеннан мәктәптә батырлык дәресләре үтте. Класс җитәкчеләре Әфган сугышы геройларының батырлыгы, әфганчы-интернационалист якташларыбыз хакында укучыларыбызга күп мәгълуматлар җиткерделәр, әфган җирендә башын яуда салган газиз якташларыбыз истәлеген бер минутлык тынлык белән искә алдылар.