Ел саен уку елы ахырында үткәрелә торган Сабантуй бәйрәмен укучылар түземсезлек белән көтеп алалар.

Саумы, кояш, саумы көн!

Барыгызга да, хәерле көн!

Телибез сезгә сәламәтлек, 

Бәхет һәм яшәү дәртен.

Сабантуй татар халкының милли бәйрәме. Сабантуй - ул хезмәт бәйрәме, Сабантуй - ул дуслык бәйрәме.

Шатлыклар күңелебездә!

Ал кояш күгебездә.

Көрәшик тә, узышыйк та, 

Сабантуй бүген бездә.

Бәйге - бәйге инде, 

Җиңүчесе була бер генә.

Бәхет - шатлык телик,

Җиңсә дә, кем генә!

Бүгенге бәйрәмдә төрле уеннар оештырылды. Баудан әйбер дә кистек, кашык белән су да ташыдык, чүлмәк тә ваттык, кашыкка йомырка салып та йөгердек, капчык киеп йөгердек, чаңгыда да йөрдек, таяк белән бауны да тарттык.Җиңүчеләрнең барысы да бүләкләр алды, грамоталар белән бүләкләнде.

Җырлый - җырлый, бии - бии

Бәйрәм иттек бүген дә.

Яз бәйрәме гөрләп шулай

Калсын безнең күңелдә.

Җәйләр килсен мул булып,

Иген уңсын кыр тулып,

Дуслар булсын һәр җирдә,

Тынычлык булсын илдә.

Бүген мәктәбебездә 4 класс укучыларының чыгарылыш кичәсесе булды. Кичәдә башлангыч класс һәм фән  укытучылары, әти- әниләр катнашты. Чыгарылыш кичәсе шигырьләр, җырлар, биюләр белән бик күңелле һәм эчтәлекле итеп оештырылган иде.  4 класс укучыларын мәктәп директоры А. Д. Нигаметзянов, укыту -тәрбия эшләре завучы С. Х. Гайфуллина, укыткан укытучылары котладылар һәм уңышлар теләделәр. Кичәне оештыручы укытучыларга бик зур рәхмәт 

Бүген 9 класс укучылары математикадан ОГЭ бирделәр. Аларга җиңел чишелешле биремнәр теләп калыйк!

12 майда 9 класс укучылары татар теленнән ОГЭ эшләгәннәр иде. Безнең мәктәп укучылары бу имтиханны әйбәт кенә бирделәр. Аларны бу уңышлары белән котлыйбыз. Алдагы имтиханнарда уңышлар телибез.

25 май көнне, дәресләрдән соң мәктәбебез укытучылары, укучылары Казанга Г. Камал театрына спектакль карарга бардылар. Туфан Миңнуллинның "Гөргери кияүләре" спектакле барыбызга да бик ошады

23 май көнне мәктәптә Соңгы кыңгырау бәйрәме узды. Бәйрәм тантанасында авыл җирлеге башлыгы Гайфуллин Ә. Ә., ветеран укытучылар һәм ата-аналар катнашты. Мәктәп директоры Нигаметзянов А. Д. укучыларны бәйрәм белән котлап, укуда, спорт ярышларында, фән олимпиадаларында уңышларга ирешкән укучыларны һәм укытучыларны грамоталар белән бүләкләде.

 Укучылар тарафыннан әзерләнгән чыгыш һәркемнең күңелендә сөенеч, шул ук вакытта моңсулык хисләре уятты. Бу көн һәм бу көнне чыңлаган кыңгырау тавышы һәрбер чыгарылыш класс укучысының күңелендә мәңге сакланыр. Мәктәпне быел 11 укучы тәмамлый. Укучыларның алда торган имтиханнарын уңышлы тапшыруларын, үзләренең барлык өмет хыяллары чынга ашуын чын күңелдән телибез.

Уважаемые учителя, выпускники, родители! Приглашаем вас на последний звонок:  9 класс - 23 мая в 9.00.

От школьного порога

Дорог на свете много,

Какой шагать - решенье за тобой:

Продолжить ли учебу,

Идти ли на работу, -

Ты сам распоряжаешься судьбой.

Одно лишь пожеланье:

Во всем нужны старанья,

Какой бы ты ни выбрал в жизни путь.

Ты попрощался с детством,

Теперь найти бы средство,

Чтоб главную постигнуть в жизни суть.

Уку елын йомгаклауга санаулы көннәр генә калды. Барлык укучылар Һәр фәннән йомгаклау контроль эшләре эшлиләр.

Бүген безнең мәктәптә линейка көне. Җиңел атлетика буенча ярышта катнашкан һәм район күләмендә беренче урынны алган мәктәбебез спортчыларына грамоталар тапшырылды. Аларга ярышларда тагын да зуррак үрләр телик.

Бүген тантаналы шартларда 4 класс укучылары варислар сафларына керделәр. Тантаналы вәгъдә, варислар законнарын үтәргә сүз биргәннән соң, аларның муеннарына кызыл галстуклар бәйләделәр. Варисларны класс җитәкчеләре котлады. Ахырдан укучылар төрле уеннар уйнадылар, үзләренең лаеклы алмашчы булуларын расладылар.