Халыкка дәрсе гыйбрәттер — театр,
Күңелдә йоклаган дәртне уятыр.

Театр — яктылыкка, нурга илтә,
Кире юлга җибәрми, уңга илтә.

       Театр – сәнгатьнең иң гүзәл төре, дияр идем мин. Ул кешеләрне көлдерә дә, елата да, уйландыра да... Без бүгенге тормышыбызны театрдан башка күз алдына да китерә алмыйбыз. Чөнки театр – тормышның көзгесе. Сәхнәгә чыгып кечкенә генә булса да роль уйнарга хыялланмаган кеше юктыр. Театр бит ул һәрвакыт табышмак, көтелмәгән  хәлләр, могҗизалар...Тормышта без көн саен билгесез режиссер язган пьесада үзебезнең рольләрне уйныйбыз бит. Сәхнәдә кечкенә генә булса да, роль уйнарга теләмәгән кеше юктыр ул... Бүген, 22 нче апрель көнне Туган телләр һәм Халыклар бердәмлеге елы, Габдулла Тукайның 135 еллыгы уңаеннан мәктәбебездә гөрләп-шаулап Театр фестивале узды. Һәр сыйныф бик теләп катнашты, матур-матур костюмнардан бик оста чыгыш ясадылар. Үзләренең башкару осталыкларын, сәхнәдә үз-үзләрен тотышларын күрсәтә алдылар. Әсәрләр арасында татар халкының бөек язучысы Габдулла Тукай әкиятләре дә, татар халык әкиятләре дә һәм башка язучыларның әсәрләре дә бар иде. Чыгышларны бәяләү өчен Арча Мәгариф идарәсе башлыгының тәрбия эшләре буенча урынбасары Ильина Лия Юрий кызы, Арча 3 нче башлангыч мәктәбе – балалар бакчасы директоры Сабирҗанова Алсу Фәрхәт кызы, Арча үзәкләштерелгән китапханәләр системасының балалар китапханәсе җитәкчесе Рәхимбаева Алсу Гарифҗан кызы, Арча  укучылар сарае методисты Ганиева Гөлия Рәфкать кызы жюри составында катнаштылар. Ничек кенә авыр булмасын, гадел итеп бәя бирделәр. Фестивальне мәктәбебездә практика узучы Арча педагогия көллияте студентлары алып барды. Аларның уйнаулары укучылар өчен үрнәк булды һәм зур кызыксыну уятты. Фестивальне уздыруда зур көч куеп катнашкан һәр кешегә олы рәхмәтебезне белдерәбез! Мәкаләне Халыкның талантын, рухи дөньясын, дәрәҗәсен билгели торган театр сәнгате – милләтебезнең казанышы һәм чиксез горурлыгы дип тәмамлыйсы килә.

 Туган телләр атналыгы уңаеннан 2 нче А һәм 3 нче А сыйныфларында Хисматуллина Зилә Хисмәтулла кызы һәм Фазылҗанова Айгөл Камил кызы инглиз теленнән ачык дәрес уздырдылар.

 Туган телләр атналыгы уңаеннан татар теле һәм әдәбияты укытучысы Хәйруллина Айгөл Рәдиф кызы ! Б һәм 1 В сыйныф укучылары өчен Г.Тукайның тормыш юлы һәм иҗаты буйлап "Җәяүле сәяхәт" дип исемләнгән түгәрәк өстәл үткәрде.

 Туган телләр һәм халыклар бердәмлеге елы, Габдулла Тукайның 135 еллыгы уңаеннан 20 нче апрельдән 27 нче апрельгә кадәр "Туган телләр атналыгы" игълан ителде. Атналыкның максаты:  

1. Туган телгә мәхәббәт тәрбияләү;
2.  Туган телебезне сакларга һәм якларга кирәклеген төшендерү;
3. Туган телнең матурлыгын күрә, тоя белергә өйрәтү. 

 Субботник – это, в первую очередь, праздник - праздник чистоты, порядка и хорошего настроения. Отложив на время привычные обязанности, коллектив вышел на улицу и привели в порядок прилегающую территорию. Работа на свежем воздухе доставила всем массу радости и удовольствия. Субботник прошёл весело и плодотворно.

 "Татар халык җырлары - милләтебезнең моңлы хәзинәсе" районкүләм җыр бәйгесендә 2 А сфйныф укучылары (сыйныф җит. Гыйниятова Г.Т.) "Яшь авазлар"  номинациясендә җиңү яуладылар. Котлыйбыз!

 Сегодня наша школа приняла активное участие в проведении районного экологического мероприятия в рамках республиканской акции "ЭкоВесна-2021"

Бөек татар халкын, бай тархихын,

Гасырлардан килгән мирасын,

Калдырасы иде яшь буынга,

Һәрбер кеше барлап соклансын!

Гореф- гадәтләрне, җыр- биюне,

Сабан туен, Җыен, Нәүрүзен,

Белсен иде җирдә һәрбер бала

Әнисеннән алган үз телен!

Үз тарихын белмәгән халыкның киләчәге юк. Моның өчен һәр бала үз гаиләсенең, туган җиренең тарихын белергә, шуның аша халыкка якынаерга тиеш. Һәр милләт үз җирлегендә барлыкка килгән һәм буыннан-буынга күчә торган гореф-гадәтләрен, кешеләрнең яшәү рәвешләрен, үз-үзләрен тоту кагыйдәләрен, карашларын, зәвыкларын сакларга омтылган. Тормыш–көнкүрештә билгеле бер йолалар үтәү, гореф-гадәтләрне тоту һәм бәйрәмнәр үткәрү барлык милләтләргә дә хас. Ул әлеге милләт мәдәниятенең мөһим бер өлеше булып исәпләнә. Гореф-гадәтләр борын-борыннан халык тарафыннан үтәлеп килә торган бәйрәмнәрне, йолаларны үз эченә ала. Билгеле бер йолаларның үтәлеп килүе җәмгыятьне дә тотрыклы итә, алардан башка халык тулы кыйммәтле тормыш белән яши алмый. 
Кыскасы, безнең максатыбыз туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдыру, бөек милләт булып яшәвебезне дәвам итү. Шушы максат белән 1 нче В сыйныф җитәкчесе Чугунова Әлфия Хәким кызы "Татар халкының бәйрәмнәре һәм йолалары" дигән темага сыйныф сәгате уздырды.

Бүген балалар бакчасының зурлар төркемендә ачык ишекләр көне уздырылды.Кунакка ата-аналар комитеты вәкилләре килде.Тәрбиячеләр тарафыннан математика буенча "Математика иленә сәяхәт" ,әйләнә - тирәдән "Кояш,су һәм һава - безнең иң якын дуслар" темаларына шөгыльләр күрсәтелде.Режим моментында балалар "Чума үрдәк,чума каз" , " Түбәтәй" кебек татар халык уеннары уйнадылар.Соңыннан балалар әкият геройлары булып ," Әни була бер генә" исемле театраль күренеш күрсәттеләр.