Бүген Иске Кырлай төп гомуми белем  мәктәбендә “Шиһабеддин Мәрҗани  –  татар халкының мөхтәрәм заты”  исемеле класстан тыш чара үткәрелде. Кичәнең максаты укучыларны   мәгърифәтче галимнең тормыш юлы, фәнни эшчәнлеге белән таныштыру иде. Күпкырлы шәхес буларак танылу алган Шиһабеддин Мәрҗанинең утыздан артык хезмәте бар. Әлеге хезмәтләр татар халкы тарихын өйрәнү өчен нигез булып тора . Ул үзенең дини һәм фәлсәфи хезмәтләрендә мәгърифәтчелек, дини-реформаторлык идеяләрен яктырта. Шиһабетдин хәзрәт гомере буе дини-мөгаллимлек һәм гыйльми-тикшеренү эшләрен бергә үреп бара.  Бүгенге заманда Ш.Мәрҗанинең тормыш юлы һәм иҗатына кызыксыну арта бара. Иң мөһим бурычларның берсе булып Ш.Мәрҗанинең мирасын халкыбызга кайтару тора. Аның хезмәтләре  тагын да тирәнтен өйрәнелеп, педагогик максатларда киңрәк кулланылыш алса иде.