Кышкы каникуллар чорында 9 класс укучылы өчен  ОГЭ  тапшырасы төп һәм сайлап алу фәннәре буенча консультацияләр оештырылды. 

Яңа  ел  белән   күңеллергә яңа өметләр, ышанычлар килә.

Ышанычыгыз, йөрәгегезнең серле бер почмагында сакланган өметегез тормышка ашсын, бәхетегез мөлдерәмә тулып торсын. Гомерегез шатлыклы, куанычлы, мул ризыклы булсын, сәламәтлектә узсын. Шатлыклы хәбәрләр, бәхетле көннәр узган елдагын да кубрәк булсын, күңелсезлекләр иске елда калсын.  Декабрь бураннары алып килгән Яңа ел белән котлыйбыз! Бәйрәмегез мөбарәк,  ризык тулы өстәлегез түгәрәк,  күңелле, куанычлы булсын.  Эшләрегез уң булсын,  күңелегездәге мәрхәмәтлелек нуры йөзегезне тагын да  бизәсен.  Бусагаларыгыздан караңгылык, салкынлык, хәвеф-хәтәр атлап кермәсен, бәла-каза  йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа 2023 нче ел.  Гаилә бәхетегез учагы гел балкып торсын.

2 нче декабрь көнне Арча шәһәре стадионында  укучылар арасында чаңгы ярышлары булып узды.  Бу  2022-2023 нче  уку   елында  беренче ярыш. Балалар 3 төрле яшь категориясенә бүленеп ярыштылар.  Ярышта безнең мәктәп укучылары актив катнашты һәм бик яхшы нәтиҗәләр күрсәттеләр.  Ярыш нәтиҗәләре буенча төп гомумбелем  мәктәп командалары арасында безнең мәктәп командасы 1 нче урынга лаек булды. Котлыйбыз! Барлык җиңүчеләргә дә медаль, Грамота тапшырылды. Җиңүче командалар Диплом, кубок белән бүләкләнде.  

Бүген мәктәптә 5 - 9 класс укучыларының яңа ел бәйрәме булды. Бәйрәм оешкан төстә һәм бик күңелле барды. Укучылар җыр, бию, кызылы сөенкалар әзерләгәннәр. Бәйрәмнең кунаклары Убырлы,Кикимора, Шүрәле дә үүз һөнәрләрен к\рсәттеләр. Кыш бабай белән Кар кызы укучыларны котладылар. Кышбабпай үзенең оригиналь биюен күрсәтте.  Мәктәп директоры 2 нче чирекне яхшы һәм бик яхшы билгеләренә бетергән укучыларның әти-әниләренә   рәхмәт хатлары,иң    матур газыталарга бүләкләр тапшырды. Бәйрәм җырлар, уеннар белән аралаштырылып алып барылды. Яңа ел бәйрәме һәркемнең күңелендә сакланырлык булды. 

Бүген мәктәбебез укучысы Шәрәфиев Ильяс Арча мәдәният йортында узган район хакимияте башлыгы чыршы бәйрәмендә катнашты. 

Уполномоченный по правам  ребенка Республики Татарстан - Волынец   Ирина Владимировна

Салкын кыш айларында безнең якларда кошларга ризык табу бик кыенга туры килә. Мәктәбебезнең башлангыч класс   укучылары  , әти- әниләр ярдәме белән кошларга  ярдәм итәргә булдылар  - алар өчен җимлекләр ясадылар. Җимлекләр үзенчәлекле килеп чыкты. Без аларны бакчабыз тирәсендә үсеп утырган агачларга элдек. Балалар һәр көн саен аларга җимнәр сибәләр, кошчыкларның чөкердәшә-чөкердәшә җим чүпләгәннәрен сокланып күзәтәләр. Кошларга ярдәм итә алуыбыз өчен без бик сөендек.

Мәктәбебездә күп еллар инде  Хабибуллина Гөлназ  Галимҗановна җитәкчелегендә "Бисер" түгәрәге эшләп килә. Бу түгәрәккә кызлар гына түгел, малайлар да теләр йөриләр. Алар бисердан матур-матур чәчәк букетлары ясыйлар. Быел  да  Яңа елга оригиналҗ уенчык "Елка топотушка" ясап бөтен кешене шаккаттырдылар. Бу уенчык   ккүп функцияне үти: интерьер бизәү өчен, елка буларак кулланырга була, бүләк өчен бик яхшы. Әфәрин!

Мәктәбебездә Яңа елга ззерлек эшләре башланып китте. Мәктәп ишек алды,  класслар бәйрәмгә   матур итеп бизәлде.