Бүген  мәктәбебездә «Мәктәпкә әзерләнергә булыш» акциясе кысаларында беренче сыйныфка баручы балаларга мәктәп кирәк–яраклары тутырылган букчалар тапшыру тантаналары узды.  «Бердәм Россия» партиясенең Арча җирле бүлеге башкарма комитеты җитәкчесе Тәлгать Җәләлетдинов  мәктәптә узган матур тантанада катнашып, Сеҗе зонасы буенча мәктәпләрдән килгән биш балага шундый бүләк ясады. Бәйрәм матур биюләр, укучылар чыгышы һәм котлаулар белән үрелеп барды. Мәктәп ашханәсендә килгән кунакларны,нәни укучыларны  кайнар чәй һәм тәмле коймак белән сыйладылар.