"Мәктәпкә ярдәм ит!" акциясе буенча мәктәбебездә бик матур бәйрәм чарасы үткәрелде. Бәйрәмгә  Арча Мәрхәмәтлелек үзәгеннән Багаутдинова Р.Р., социаль яклау бүлегенең урынбасары Галиуллина Р.К. килгән иде. Акция кысаларында күп балалы һәм аз керемле гаиләләрдә тәрбияләнүче балаларга хәйрия ярдәме күрсәтелде. Килгән кунакларыбыз 6 беренче класс укучысына уку кирәк-яраклары тутырылган укучы сумкалары өләштеләр һәм булачак беренчеләребезгә үзләренең изге теләкләрен теләделәр. Безнең кечкенә дусларыбызны сөендергәннәре өчен район җитәкчеләренә, мәктәп коллективы һәм әти-әниләр исеменнән зур рәхмәтебезне белдерәбез.