ФГОС шартларында балаларга тәрбия бирүнең төп максатлары булып тормышка һәр яктан әзерлекле, үз милләтенең рухи һәм матди байлыкларын арттыручы, туган халкының киләчәген кайгыртучы, җәмгыятьне үстерүдә катнаша алырлык, көндәшлеккә сәләтле шәхес тәрбияләү, балаларның иҗади сәләтләрен ачу, үстерү тора. Әлеге максатларны гамәлгә ашыру йөзеннән, тәрбия өлкәсендә укучылар белән түбәндәге юнәлешләрдә эш алып барылырга тиеш:

• танып-белү,

• әхлакый,

• спорт-сәламәтлек,

• граҗданлык-патриотлык,

• экологик,

• хезмәт,

• эстетик,

• мин һәм социум,

• буш вакытны файдалы үткәрү.

Әлеге тәрбияви юнәлешләргә таянып эш иткәндә, сәламәт, яңалыкка омтылучан, лидер, белемле, үз тарихын, мәдәниятен белгән, хезмәт тәрбиясе алган шәхес тәрбияләүгә мөмкинлекләр ачыла.

Тәрбия бирү төрле формаларда алып барыла. Һәр атнаның дүшәмбесендә мәктәбебездә линейка уздырыла. Бу атнаны да линейка уздырылды, эшләгән эшләргә йомгак ясалды. Эшлисе эшләр кабат искәртелде, кар көртләре, бозлардан саклану чаралары балаларга кабат аңлатылды.