Мәктәпләр ярминкәсен ел да Арча халкы түземсезлек белән көтеп ала. Шулай булмый, ул көнне җаның ни тели, шуны – яшелчәсен, җиләк-җимешен, пешкән әйберләрен, кайнатмасын һәм башка кирәк-яракларны юнәтергә була. Төне буе саклап торганнармыни, иртәнге җидедә ярминкә гөрли иде инде. Өстәлләр товардан сыгылып тора. Кибетче урынында – укытучылар үзләре. Якты чырай белән каршы алалар, товарларын мактыйлар. Кирәкмәсә дә алырсың. Ассортимент күп булсын өчен бик тырыштык. Чынлап та мәктәп коллективы ярминкәдә актив катнашты. Тырышлыгыбызның нәтиҗәсе дә билгеле. Мәктәпләр ярминкәсендә безнең мәктәп коллективы икенче урын алды. Директорыбыз Сабирҗанова Нурзилә Бариевнаны, укытучылар коллективын, техник хезмәткәрләрне җиңүләре белән котлыйбыз, уңышлар теләп калабыз.