Ат көне бәйрәмен Арча районы башлыгы Илшат Нуриев ачып җибәрде. "Безнең татар халкы гомер-гомергә тормышын аттан башка күз алдына китерә алмаган. Һәм бүген дә, югары технологияләргә карамастан, без тормышыбызны атсыз күз алдына китерә алмыйбыз. Ат гомер-гомергә ашатучы булган, сугыш елларында сугышчан иптәш булган. Хәзер без аны геннарыбызга салынган истәлекле вакыйгалар белән бәйле рәвештә күрәбез. Кечкенә вакытымда атта чапканымны хәтерлим, Сабан туйларында катнаша идек. Ат чабышында катнашырга килгән кешеләргә баш иябез",- диде ул.Бу бәйрәмдә катнашучылар бик күп иде. Мәктәбебездән физкультура укытучысы Хасанов Х.Х. үзенең бик матур итеп бизәлгән аты белән катнашып, иккенче урын алды.