Бөек Җиңү Көне ...  Әлеге гомумхалык бәйрәме үз гомерләре бәрабәренә Ватаныбыз азатлыгын батырларча яулап алган, шәһәрләребезне һәм авылларыбызны сугыш хәрабәләреннән торгызган данлыклы җиңүчеләр буыны белән бәйле.  Кызыл Армия солдатлары һәм офицерлары меңнәрчә чакрым сугышчан юл үтеп, фронтның һәр көнендә һәм һәр сәгатендә батырлык, кыюлык, фидакарьлек күрсәтеп, 1418 көн һәм төн буена дошман белән канкойгыч көрәш алып бардылар - җиңүгә юл шулай салынды. Бу авыр елларда безнең җирлектән генә дә 444 кеше сугышка алынып, аларның 262 се кире әйләнеп кайтмады. Тылда булганнар да, үз-үзләрен аямыйча, икмәкнең соңгы валчыгына каләр фронтка озату өчен тырыштылар. Гаять кырыс һәм изге булган әлеге көрәш көннәре ерагая барган саен, кешеләр күңелендә Бөек Җиңүнең әһәмиятен аңлау хисе арта бара. Без бүгенге көннәрне күрә алмаган полкташларыгызны хөрмәт белән искә алабыз. Бөек Ватан сугышы фаҗигасе безгә хәзерге заманда килеп туган куркыныч хәлләр белән көрәштә бердәм һәм бергә булырга кирәклекне аңлатып тора. 

Бөек Җиңү хөрмәтенә районыбызда да куп чаралар уздырылып килә. Бөек Җиңүгә багышланган "Җиңү көне якынлаша!" исемендәге районкүләм шигырь укучылар конкурсында катнашып, Гыйниятуллина Кәримә, Галяутдинов Ислам 3  урын алдылар. Җитәкчеләре Ахмадуллина Г.И, Шиһапова Л.М.ны ,  укучыларыбызны котлыйбыз,  уңышлар теләп калабыз.