Татар халкында борынгыдан килгән бер гадәт яши: юлчыларга юлга чыкканда “Хәерле юл!” дип озатып калу һәм “Исән – сау кайттыңмы?” дип каршы алу. Әйе, көннәребез имин үтсен, юлларыбыз уң булсын иде. Һәр яңа көн тугач кемдер мәктәпкә, кемдер эшкә ашыга. Без җәяүләп тә, машиналарга утырып та, велосипедлар белән дә хәрәкәт итәбез. Димәк, безнең һәркайсыбыз юлга чыга, юллар белән очраша.

Көн буламы төн буламы

Юлга чыгып китәбез

Ничә мең чакрымнар үтеп,

Кабат кайтып керәбез

Бүгенге көндә юлларга чыгу, аны хәвеф – хәтәрсез, исән – имин үтәр өчен тиз фикер йөртә белү, тирән белемнәр, аларны дөрес куллану күнекмәләре кирәк. Районыбызда да "Куркынычсызлык тәгәрмәче" конкурсы булып узды. Конкурста мәктәбебез укучылары да актив катнашты. Галәутдинов И., Рахиева Г., Хасанов Н., Шаймулина Т. барлык станцияләрдә бирелгән биремнәрне төгәл үтәп, уңышлы чыгыш ясадылар. Укучыларыбыз молодцы, һәрберебезгә дә юлларда исән-имин йөрергә язсын.

Юлда төрле хәлләр була

Яңгыр да бураны да

Ходай зинһар исән йөрик

Без синең кулда гына.