Китап - иң акыллы киңәшчеләрнең берсе. Китап һәр кешегә хезмәттә булыша, ул кешеләрне бәладән коткара,тормышны танып белергә өйрәтә. Китап кешегә үсәргә һәм халыкның аңын баетырга мөмкинлек бирә. "Китап кешене галәмнең хуҗасы итә", - ди П.А Павленко. Бала чакта китап укудан да  күңелле нәрсә юктыр. Андый китаплар - безне бала чактан зур тормышка озатып калучы, гомер буе хәтердә яңарып торучы иң якын дусларыбыз, һәр кеше китапны үзенең иң якын дусты итеп күрә. Китап - канатлы ул! Китап, үзенең канатына утыртып, сине мең елга артка илтеп ташлый, яисә ул кешене йөз елга алга илтеп куя. Китап - әнә шундый могҗизалы нәрсә ул. 2 апрель - Халыкара балалар китабы көне. Шул уңайдан, мәктәбебездә класс сәгатьләре, әңгәмәләр үткәрелде. Мәсәлән, башлангыч сыйныф укучылары класс җитәкчеләре белән берлектә әкиятләр дөньясына сәяхәт иттеләр, яңа китаплар белән таныштылар. Ә китапхәнәчебез Равилов А.Х. укучыларыбызга, китап турында кызыклы мәгълүмат, статистика  һәм тарихы белән таныштырды .