17 мартта Казан шәһәрендә,  төрле яшьтәге балалар һәм яшүсмерләре арасында  “Алтын Мирас” татар мәдәнияте  фестиваль-конкурсы узды. Аның максаты — югалып баручы гореф-гадәтләребезне, йолаларыбызны, телебезне, милләтебезнең милли бизәкләрен, ядкарь-истәлекләрен барлап, кадерләп саклап, яңа буыннарга тапшыру. Билгеле булганча, бу бәйге өлкәбездә яшәүче сәләтле балаларны һәм яшүсмерләрне эзләп табу һәм аларда иҗат чаткысы кабызып, талантларын халыкка күрсәтү белән шөгыльләнә. Сәләтле балаларны ачыклау, аларга иҗади яктан ачылу өчен шартлар тудыру максатыннан оештырылган бу күркәм иҗат бәйгесе быел бик күп  санда катнашучылар җыйды.

Бу бәйгедә мәктәбебездән бер төркем укучыларыбыз катнашып, уңышлы чыгыш ясадылар. 8 сыйныф укучысы Гиззатуллин Эмиль 2 дәрәҗә лауреат, 1 класс укучысы Шакирова Ралинә 2 дәрәҗә лауреат, Рахиева Гөлинә 3 дәрәҗә лауреат, Гиззатуллина Камилә 1 дәрәҗә дипломант булдылар. Укучыларыбызны, укытучылары Хабибрахманова А.Р.ны җиңүләре белән ихластан котлыйбыз, кабат уңышлар, җиңүләр теләп калабыз.