Гаилә һәр кешегә кирәкле җылы учак ул. Гаилә никадәр нык булса, аннан килгән җылылык та шулкадәр көчле була. Димәк, гаилә - ул иң олы таянычыбыз, иң ышанычлы сыеныр урыныбыз.Анда бер – берсен яраткан, бер – берсе турында кайгыртучанлык күрсәткән кешеләр яши. Гаилә - тормышыбызның нигезе. Гаилә нык, тату икән, димәк дәүләт тә нык, тату дигән сүз. Гаиләләребезнең үрнәк, тату булуы безне дә сөендерә.

        25 нче декабрь көнне мәктәбебездә ата-аналар җыелышы булып узды. Җыелышның беренче көн тәртибендә укучыларыбыз үзләренең кадерле кешеләрен Яна ел бәйрәме белән котладылар. Укучыларыбыз башкарган матур җырлар, дәртле биюләр, баянда башкарган көйләр көнебезне тагын да ямьләндерде. Өченче көн тәртибендә мәктәп директоры Сабирҗанова Н.Б. әти-әниләрне бәйрәмнәр белән котлады, әти-әниләргә рәхмәт хатлары тапшырды.  Икенче көн тәртибендә укыту эшләре директор урынбасары Хаирова Г.С. 2018-2019 нчы уку елының икенче чирек, беренче яртыеллык нәтиҗәләре белән таныштырды. Шулай ук кышкы каникул вакытына барлык куркынычсызлык кагыйдәләре аңлатылды.