Укучыларыбыз мәктәптә мөстәкыйль булырга тиеш. Төрледән-төрле эшләр башкару - аларда җаваплылык хисе тәрбияли, лидерлык сыйфатларын булдыра. 9 октябрь көнне , 6 нчы сыйныф укучылары башлангыч сыйныф укучыларына класс сәгате үткәрделәр. Класс сәгатенең темасы - "Көзе табигатькә экскурсия" дип аталды. 6 нчы сыйныфлар башлангычлар белән уртак телне бик тиз таптылар. Иң беренче көз ел фасылына кагылышлы табышмакларның җавапларын белделәр, аннары көзге сынамышларга күз салдылар. Көзге табигать турында да үзара бик матур фикер алыштылар. Видео-презентация белән табигатькә "чыктылар". Дәрес ахырында барлык сөйләгән кирәкле сүзләрне рәсемгә төшерделәр.