Сабантуй – чын мәгънәсендә милли рух җәүһәре, татар халкының үзенчәлекле мәдәниятеның бетмәс-төкәнмәс чишмәсе, аның рухи торышы, һәм талантларны ачу өчен бик яхшы мөмкинлек, җитезлектә, тапкырлылыкта көч сынашу.... Сабантуй турында бөтендөньяга билгеле булыр һәм ул Бөтендөнья мирасы исемлегендә лаеклы урынны алыр дип ышанасы килә.Сабантуйның төп бизәге булып, милли көрәш бәйгесе санала. Безнең укучыларыбыз да көрәштә сынатмыйлар. Ел дәвамында көрәшеп килгән егетләребез Арча сабантуенда бил алышты. 10 нчы сыйныф укучысы Рамазанов Илнур үз авырлыгында беренче урынны алды. Илнурны җиңүе белән котлыйбыз, уңышлар теләп калабыз.