Һәр кеше бәхетле гаилә корырга омтыла. Чөнки һәр кешегә кайтып сыенырлык җылы учак, тыныч почмак кирәк.  Әмма илдәге катлаулы социаль-икътисадый  хәл кешеләрнең рухи халәтендә киеренкелек, тормыш ыгы-зыгысы тудыра. Шундый киеренкелекне булдырмас өчен, 6 нчы апрель көнне без  әти-әниләр җыелышы үткәрдек. Мәктәпнең гомуми ата-аналар җыелышында 4 көн тәртибе каралды. Беренче көн тәртибендә участок инспекторы Нургаянов Ш.Р.  чыгышы тыңланды. Әти-әниләрне яшьүсмерләр арасында еш күзәтелүче тәртип бозу очраклары, аларны булдырмау чаралары һәм барлык куркынычсызлыклардан саклану юлларын аңлатты, юл йөрү кагыйдәләрен искә төшерде. Икенче көн тәртибендә Сеҗе янгынга каршы үзәкнең җитәкчесе Нуриев С.Х. янгыннан, язгы судан, язгы ташудан саклану һәм башка куркынычсызлык кагыйдәләренең үтәлешенә тукталды. Өченче көн тәртибендә мәктәп директоры Сабирҗанова Н.Б. укуның сыйфатын күтәрү, ОГЭ, ЕГЭ, алда торган имтиханнар турында уз фикерләрен әйтте. Укуның сыйфатын күтәрүдә әти-әниләрнең дә өлеше зур икәнлеген төшендерде. Дүртенче көн тәртибендә укыту эшләре директор урынбасары Хаирова Г.С. арадаш аттестация, йомгаклау контроль эш тәртипләре турында мәгълүмат бирде.  Җыелышның калган өлеше классларда дәвам итте. Әти-әниләр өлгереш, йөреш, тәртип, имтиханнарга хәзерлек турында  класс җитәкчеләре белән аерым сөйләшүләр алып бардылар.