Рәхмәт әйтү көне бүген

Рәхмәт барчагызга да.

Иң зур рәхмәтемне юллыйм

Сездәй якын дусларга.

       Рәхмәт сүзенең барлыкка килүе борынгы гасырларга барып тоташа. Чит илләрдә бу көнне туганнарга, әти-әниләргә, башка якын кешеләргә кулдан эшләнгән открыткалар, чәчәкләр, төрле татлы ризыклар бирү гадәткә кергән. Галимнәр билгеләүенчә рәхмәт белдерү һәр кешенең мәдәниятлелеген чагылдыра. Тел белгечләре бу сүзгә аерым аңлатма бирә. Дини күзлектән караганда рәхмәт сүзе изгелек чыганагы дип каралса, фәндә рәхимлек күрсәтүгә туры җавап итеп карала.

     Бүген филиал мәктәптә“Яхшылык күрәсең килсә, яхшылык ит” дигән класс сәгате булып узды.  Укучылар ачулы, тар күңелле булу, башкаларның уңышыннан көнләшү бик  начар гадәт икәненә төшенделәр. Шуңа күрә шәфкатьле, ярдәмчел булырга, бер-береңә матур, ягымлы сүзләр әйтеп, күңелләрне күтәрергә омтылырга кирәк дигән нәтиҗәгә килделәр.