Көтеп алган каникуллар дәвам итә. Балалар кышкы каникулларда  чанада да, чаңгыда да, тимераякта да шуалар.Чана-чаңгыда шуарга, кар атышып уйнарга, кар тәгәрәтеп, Кар бабай ясарга була. Ә кар күп булса, уеннар тагын да кызыклырак. Биек таудан выжылдап очып төшәсең, күмәкләшеп, карда аунап аласың да, тирләп-пешеп өскә үрмәлисең, аннан тагын, тагын. Бер дә туйдырмый андый уеннар. Бияләйләр боз булып ката, битләр уттай яна, үзе шундый рәхәт!