Кар бөртекләрендә аклык та, сафлык та, шатлык та бар. Кар яуганда, күзләребез генә түгел, күңелләребез дә иркәләнә. Ап-ак бәскә төренгән агачларны кем матур димәс? Саф, салкын һавасың сулап, күкрәгеңә шифа һәм дәва аласың. Керфекләреңә, чәчеңә, иреннәреңә күбәләк кар килеп куна. Бу карлар барысы да синеке. Җилне бишек итеп, кар бөртекләре тирбәлә. Кар ява, яусын әйдә, шатлыклар чиксез булсын! Өр-яңа җирләрне үзләштергәндәй, беркем дә аяк басмаган яңа яуган карга эз салып баруы − үзе бер могҗиза. 5 январь көнне мәктәбебез тирәли без дә карга эзләр салдык, кышкы табигатебезнең саф һавасын сулап, күңелләребезгә рәхәтлек алдык. Бу массакүләм чаңгы шуу чарасында барыбыз да бик теләп катнаштык. Ахырдан бергәләшеп фотога төштек. Сәламәт булыйм дисәң, кыш көннәрендә чаңгыда йөрергә кирәк.