Ата-ана белән мәктәп дуслыгы да тәрбиядә зур урын алып тора. Баланы тырыш булырга, басылып эшли, яхшы укый, вакытында уйный белергә мәктәп белән гаилә бергә өйрәтә. Мәктәп белән, балаңның класс җитәкчесе, шул классның укытучылары белән тыгыз элемтәдә тору ата-анага алдагы бурычларны дөрес билгеләргә дә, баланың тәрбиядәге йомшак урыннарын белеп, вакытында ярдәм итәргә дә мөмкинлек бирә. Мәктәбебез әти-әниләр белән уртак тел табып эшли. Шул максатны күздә тотып, 27 декабрь көнне әти-әниләр җыелышы булып узды. Ин беренче әти-әниләребезне якынлашып килүче Яңа ел бәйрәме белән котладык: матур җырлар җырладык, биедек, Кыш бабай белән Кар кызын да кунакка чакырдык. Мәктәп директоры Сабирҗанова Н.Б. әти-әниләрне бәйрәм белән котлады; ОГЭ, ЕГЭ, алда торган барлык имтиханнарга ныклы әзерлек кирәклеген искәртте. Икенче көн тәртибендә укыту эшләре директор урынбасары Хаирова Г.С. 2017-2018 нче уку елының 2 нче чирек, 1 нче яртыеллык уку нәтиҗәләре, район олимпиадасы призерлары белән таныштырды. Өченче көн тәртибендә тәрбия эшләре буенча директор урынбасары Шакирова Л.Х. кышкы каникулга эш планы, барлык куркынычсызлык кагыйдәләре турында мәгълүмат бирде. Җыелыш классларда дәвам итте.