26 нчы ноябрь-Әниләр көне дип билгеләп үтелде. Шул уңайдан Курса Почмак мәктәбендә “Әнием-кадерлем!” исеме астында әниләр көненә багышланган кичә үтте. Бәйрәм кичәсенә укучыларбызның әниләре чакырылды. Башлангыч класс укытучылары җитәкчелегендә матур җырлардан, эчтәлекле шигырьләрдән, дәртле биюләрдән торган концерт программасы күрсәтелде. Укучылар үз куллары белән ясаган бүләкләрне теләкләргә төреп әниләренә тапшырдылар. 

Кадерле, газиз әниләребез! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшесендә, кадер – хөрмәттә яшәргә язсын!