Татарстан Республикасы Конституциясе – төрле милләт, сәяси караш һәм төрле дин вәкилләренең ихтыярына таянып кабул ителгән, күпмилләтле халкыбыз сайлап алган принципиаль сәяси юлны билгеләгән төп канун ул. Татарстан Конституциясе – республикабызның Төп Законы. Ул республикабызда  яшәүче күпмилләтле халык ихтыярын чагылдыра. Конституция 1992 нче елның 6 нчы ноябрендә кабул ителде. 6 ноябрь – яңа тарихта чын мәгънәсендә дәүләтчелекне торгызуда әһәмиятле вакыйгага әверелгән иң истәлекле көннәрнең берсе.

        Гомуми милли татулык, һәркемнең иҗади хезмәте, энергиясе киләчәктә дә тынычлык китерсен, район, республика һәм бөтен Россиянең үсеше өчен нигез булып торсын.  Өйләребездә һәрвакыт тынычлык, татулык, бердәмлек һәм иминлек булсын!