Җәяүлеләрнең иминлеген тәэмин итү бик актуаль мәсьәлә булып тора. Күп очракта җәяүлеләр машина астына җәяүле кичүләре булмаган җирдә юлны аркылы чыккан вакытта, яисә караңгы вакытта юл кырыеннан барганда эләгәләр. Шоферларга куркынычсыз тизлекне сайлау киңәш ителә, ә җәяүлеләр үзләренең гамәлләре белән автотранспорт йөртүчеләрне куркыныч ситуацияләрдә калдырырга мөмкин икәнлекне исләреннән чыгармасыннар иде. “Тәүлекнең караңгы вакытында торак пунктлардан тыш юлларда җәяүлеләр киемнәрендә махсус яктырткыч элементлар булдырырга тиешләр“, диелгән юл йөрү кагыйдәләрендә. Әмма, киемдәге мондый яктырткыч билгеләр караңгыда авылда, шәһәрдә йөргәндә дә кирәк. Мондый яктырткычтан башка җәяүле 25 метрдан күренә, ә ул булганда 150 метрдан, транспорт чарасының уты ерак арага яктыртса – 400 метрдан. Яктырткыч элементлар куллану җәяүлене бәрдерү мөмкинлеген 65%ка киметә. Мондый элементлар киемгә, велосипедларга, коляскаларга беркетелә һәм җәяүлеләрне тәүлекнең караңгы вакытында автомобиль фаралары утында күрергә ярдәм итәчәк. Мондый элементлар сатуда булган әзер киемнәрдә, сумкаларда да була, шулай ук аларны аерым сатып алырга да мөмкин. 

"Үзебезне саклыйк!" дип исемләнгән башлангыч укучылары өчен уздырылган класс сәгатендә алда язып кителгәннәр турында сөйләштеләр. Укучыларның барысында да яктырткыч элементлар бар!