Әлеге чара Татарстан Президенты Рөстәм Миңнеханов йөкләмәсе буенча оештырыла. Яшь гражданнар форумы Татарстанның барлык районнарында “Республика балалар оешмалары советы” иҗтимагый төбәк оешмасы тәкъдиме белән уздырыла.
Балаларның иҗтимагый яктан активлыгын арттыру – яшьтән үк кирәкле гамәл. Үсеп җиткәч, актив гражданлык позициясендә булу, яшьләрнең үз оешмаларын ныгыту өчен алдан чаралар күрү комачау итми. Татарстанда Яшь гражданнар форумы да шул максат белән уздырыла.
Форумны Арча шәһәренең Арча сәнгать мәктәбе кабул итте. Ул “Мәдәният һәм яшүсмерләрнең иҗади үсеше”; “Сәламәт яшәү рәвеше, балалар спорты һәм туризм”; “Эшмәкәрлеккә беренче адым”; “Балалар гаммәви матбугат чаралары”; “Экологик тәрбия”; “Патриотик тәрбия”; “Балалар һәм яшьләрне хокукый яклау”; “Социаль яклау һәм волонтерлык эшчәнлеге”; “Фән һәм мәгариф”; “Балалар хәрәкәтен җәелдерү” кебек тематик мәйданда уздырылды. Форумда катнашучылар 12 дән 18 яшькәчә булган иҗтимагый балалар оешмасы активистлары һәм лидерлары иде.Мәктәбебез укучылары Фәттахова А., Нуруллина И. һәм Бәшәров Б. та әлеге форумнан читтә калмадылар.
Форумда искәртүләренчә, балалар оешмаларына ярдәм күрсәтү, аларга җәмгыять, дәүләт тарафыннан игътибар арттыру да төп бурычларның берсе булып тора. Шундый чаралар балалар һәм яшьләр мохитендә туган проблемаларны хәл итәргә дә ярдәм итә.
Чара нәтиҗәсендә махсус резолюция дә кабул ителде. Анда Татарстан республикасында балалар хәрәкәтен үстерүгә кагылышлы тәкъдимнәр кертелде.