Татарстан җирендә күп еллар дәвамында йөздән артык милләт вәкилләре дус һәм тату яши. Үзара аңлашу, бер-берсенең гореф-гадәтләренә, мәдәни һәм рухи кыйммәтләренә карата ихтирамлы мөнәсәбәттә булу республикабызда тынычлыкның һәм иминлекнең нигезе булып тора. Айлык дәвамында  Курса Почмак мәктәбендә  “Экстремизмга – юк!” исеме астында махсус дәресләр, “Экстримизмга юл юк!”, “Без, халыклар дуслыгы өчен!” темаларына  конкурслар уза.  Укытучылар балаларга төрле канунсыз формаль булмаган берләшмәләр турында сөйлиләр, аларга кушылырга ярамаганлыгын аңлаталар, гражданлык һәм патриотизм  хисен тәрбиялиләр. Айлык уңаеннан Курса Почмак мәктәбендә дә план нигезендә төрле чаралар үтә. Һәр сыйныфта үткән “Экстремизмга – юк!” дигән темага бердәм республика дәресе укучыларда милләтара дуслык, хөрмәт һәм түземлелек тәрбияләүгә юнәлдерелгән иде. 6 нчы сыйныф укучылары эшләгән газета да бик эчтәлекле иде.