Яшь журналистларны барлау максатыннан, республикакүләм "Алтын каләм -2017" фестивале  быел 22 нче тапкыр үткәрелде.Конкурс өч этапта узды. Беренче этапта яшь каләмчеләр үз эшләрен район комитетына тәкъдим итте. Икенчесе исә республика күләмендә читтән торып уздырылды. Бәйгенең бу өлешенә Татарстанның 38 районыннан журналистика белән кызыксынучы 200 баладан заявка кабул ителгән. "Иләктән үткәннәре" исә биш көн буена үз мөмкинлекләрен елдагыча “Идел” лагеренда сынады.Яшь каләмчеләр биш көн буена тәүлегенә 24 сәгать дәвамында үз көчләрен сынаган: мәкаләләр язган, фото һәм видео әзерләгән, газеталар чыгарган. Бу фестивальдә мәктәбебезнең 10 нчы сыйныф укучысы Гыймаева Илүзә дә үз көчен сынады, иҗат иткән хезмәтләрен тәкъдим итте һәм сертификат белән бүләкләнде. Илүзәне уңышы белән чын күңелебездән котлыйбыз һәм киләчәктә дә  зур уңышлар теләп калабыз.