Июнь – малларга көлтә һәм дару үләннәре җыю өчен иң кулай вакыт. Җылы, матур көнне коллектив белән җыелып , "Ак Барс" Агрокомплексы  хайваннары өчен көлтә бәйләргә чыктык. Хайваннарга да кышка витамин кирәк бит. "Арбаңны кыштан, ә чанаңны җәйдән үк әзерләп куй" – ди татар халкы. Шушы мәкальне истә тотып, Сеҗе авыл җирлекләрендә яшәп, бюджет тармагында эшләүчеләр витаминнарга бай булган терлек азыгы җыюда зур активлык күрсәттеләр. Бу мөһим эшкә һәркем бик җаваплы карады. Витаминнарга бай, сыйфатлы яфраказыкның кыш көне терлекләр өчен файдасы зур булачак.