Сәләтле балалар белән эш – заман таләбе. Кешегә бетмәс-төкәнмәс иҗат чыганагы салынган. Менә шул чыганакны ачарга, иреккә чыгарырга, кешегә иҗтимагый тормышта урынын табарга булышырга, аңа үсү өчен тиешле шартлар тудырырга кирәк.Хәзерге заман мәктәбе үзенең үсешендә катлаулы чор кичерә.  Заман таләбе - баланың табигать тарафыннан бирелгән сәләтен үстереп, аны иҗади шәхес итеп тәрбияләү. Заман таләбе һәр укытучының - иң изге бурычы.12 июнь көнне районыбызда сәләтле укучылырыбыз өчен бәйрәм  оештырылды, ягъни фән олимпиадаларында, төрле конкурсларда, фестивальләрдә катнашып җиңү яулаган укучыларыбызны бүләкләү тантанасы булды. Тантана районыбыз башлыгы Нуриев И.Г. котлавы белән башланып китте. Безнең мәктәптән бу чарада 10 сыйныф укучысы Васильева Инзилә катнашты. Ул татар теле фәненнән республика олимпиадасында призёр булганы өчен акчалата премия белән бүләкләнде. Беренче сыйныф укучысы Шакирова Ильвина, "Иң яхшы сыерчык оясы" конкурсында катнашып, җиңүче исеменә һәм акчалата премиягә ия булды. Укучыларыбызны чын күңелебездән тәбриклибез, киләчәктә дә уңышлар теләп калабыз.