Мәктәбебездә балаларның җәйге ялын кызыклы һәм файдалы итеп оештыруга зур әһәмият бирелә. 1 нче июньнән 21 нче июньгә кадәр мәктәптә 25 балага исәпләнгән көндезге лагерь эшләячәк. Бүген, ягъни Халыкара балаларны яклау көнендә лагерь оешкан төстә үзенең эшен башлап җибәрде. Лагерь балаларны кабул итүгә тулысынча әзер, анда таләп ителгән гигиена шартлары булдырылган, балалар белән эшләячәк кадрлар әзер. 

Лагерь эшли башлауның беренче көнендә «Акчарлак» лагере 2 командага бүленеп,  командалар үзенә исем, девиз, җыр сайладылар. Лагерьда педагоглар балаларны физкультура белән шөгыльләнүгә җәлеп итәчәкләр, төрле кызыклы уеннар оештырылачак. Балаларны туган ягыбызның тарихи урыннарына экскурсияләргә алып бару планлаштырыла. Экскурсияләр туган ягыбызны, аның тарихын өйрәнүгә кызыксыну уятырга ярдәм итәчәк. Җәй хәвеф-хәтәрсез үтсен, ул балаларга бары шатлык китерсен.