Мөгаен, укучыларның иң көтеп алган бәйрәмнәрнең берсе-балалар Сабан туедыр. Быелгы Сабан туе бакча ишегалдында матур итеп бизәлгән мәйданда узды. Балалар бик теләп һәр ярышта катнашты, егылды-торды, әммә читкә тайпылмады, финишка ашыкты. Балалардан соң хәтта укытучылар да ярышларга чыкты.

Балалар кашыкка йомырка куеп йөгерде, чүлмәк ваттылар, таяк тартыштылар, капчык киеп йөгерделәр, волейбол-футбол уйнадылар. Һәр уенда катнашу өчен чират булды.  Милли көрәштә катнашырга теләүче малайлар саны да күп иде. Келәмгә басуны түземсезлек белән көтте алар. 7 нче сыйныф укучысы Гыйләҗиев Марат матур көрәш күрсәтеп, батыр калды.

Шулай итеп, бәйрәм күңелле узды. Балаларның да, укытучыларның да күңелләре күтәренке. Быелгы бәйгеләрдә катнашуы күңелләрендә озак сакланыр.