25 нче май көнне мәктәбебездә педагогик киңәшмә булып узды. Киңәшмәдә күп төрле эшләр каралды. Беренче көн тәртибендә укыту эшләре буенча директор урынбасары Хаирова Г.С. 9, 11 сыйныфларны имтиханга кертү, 1нче сыйныфларны 2 нче сыйныфка күчерү кирәклеген аңлатты. 2 нче көн тәртибендә арадаш аттестацияләрне  үткәреп бетерү турында сүз булды. Шулай ук  алда торган имтиханнар ОГЭ, ЕГЭ хакында, аларга әзерлек мәсьләләре каралды. 3 нче көн тәртибендә мәктәп директоры Сабирҗанова Н.Б. җәйге чорда балалар иминлеге өчен әти-әниләр җавап биргәнлеген, һәрбер балага, һәрбер әти-әнигә куркынычсызлык кагыйдәләрен аңлатып, кул куйдырырга кирәклеген искәртте. 4 нче көн тәртибенлә тәрбия эшләре директор урынбасары Шакирова Л.Х. 5 нче чиреккә эш планы белән таныштырды.