Г.Тукайның безнең арабыздан китүенә 131 ел. Ләкин шагыйрьнең үлемсез әсәрләре, шигырьләре безнең йөрәгебездә мәңгелек урын алды. Бүген карты да, яше дәТукайны укый, аны олылап искә ала. Без дә Г.Тукайны искә алып, "Язлардан аерып булмый Тукайны" исемле әдәби-музыкаль кичә уздырдык. Кичәдә барлык мәктәп укучылары да катнашты. Алар Тукай әсәрләрен сәхнәләштерделәр, җырларын җырладылыр, сәнгатьле итеп шигырьләрен сөйләделәр. 5 нче сыйныф укучылары "Бала белән күбәләк" , "Бәйрәм бүген" җырларын җырладылар. 6 нчы сыйныф укучылары "Кәҗә белән сарык" әкиятен, 9 нчы сыйныфлар мәсәлләрне сәхнәләштерделәр. Мәктәбебездә иҗат белән кызыксынучы балалар да байтак. 8 нче сыйныф укучысы Гыйбадуллина Гөлнар Т.Миннуллин исемле конференциядә катнашып дипломант исемен яулады. 8 сыйныф укучылары Гыйбадуллина Гөлнарның "МШ сере " исемле пьесасын куйдылар. 10 класс укучысы Гыймаева Илүзә "Илһам" Бөтен россиякүләм бәйгедә "Күңел почмагы" исемле пьесасы белән лауреат исемен алды. 10 сыйныф укучылары шул пьесаны сәхнәгә куйдылар. 11 сыйныф укучылары Г.Тукай әсәрләренә багышланган композиция күрсәттеләр.  

        Шагыйрь халык иҗатына, халык теленә, туган телгә тирән мәхәббәт белән карады һәм аның бөеклегенә дан җырлады. Шуңа күрә халкым аны үз җырчысы, үз шагыйре итеп кабул итте. Яшь иҗатчыларыбыз да бәйрәмдә үзләренең әсәрләрен тәкъдим иттеләр. 

Тарих бик күп исемнәрне белә,

Бөек исемнәргә дөнья бай.

Сәнгать дөньясында маяк булып,

Мәңге яши, яшьни яшь Тукай.