Татарны татар итеп таныткан, аны милләт буларак саклап калган, мин-татар дип горурланырга этәргән төп өч-дүрт әйберне санагыз дисәләр, безнең күбебез, тел, дин, җыр-моң һәм, әлбәттә, татарча милли көрәш диячәк. Республикада да, район җирлекләрендә дә милли көрәшнең мөһимлеген аңлыйлар, аны күтәрәләр, аның белән шөгыльләнәләр. Бәйгеләр дә еш узып тора.

Шушындый матур бәйгеләрнең чираттагысы 4 нче февраль көнне булып узды. Милли көрәш буенча "Көчлеләр турнигы" дип аталган бу ярышларда безнең мәктәбебездән ике укучы егетебез зур җиңү белән кайттылар. Үзләренең бар көчен, батырлыкларын күрсәтеп, Рамазанов И. I урын, Әхмәтсафин Н. II урын яулады. Егетләребезнең бу уңышларына чын күңелдән сөенәбез һәм аларга алга таба да уңышлар телибез!