Бүген мәктәбебездә "Сак йөрегез юлларда" дип исемләнгән чара булып узды. Тема бүгенгесе көндә бик актуаль.Юлларда булган хәвеф –хәтәрләрдән күпме кеше зыян күрә.Күпме кан, яшь түгелә. Инвалид утыргычына утыручылар саны арта, күпме кешенең гомере өзелә. Ә бит болар арасында балалар да күп. Гаепне кемнән эзләргә? Мондый хәвеф – хәтәрләрне булдырмый калу өчен нәрсә эшләргә соң? Шушы сорауларга җавапларны 8 нче сыйныф укучылары бүгенге чара барышында таптылар. Чараның максаты: балалар катнашындагы юл – транспорт һәлакәтен профилактикалау; юл хәрәкәте билгеләрен, велосипедчылар өчен кагыйдәләрне искә төшерү һәм ныгыту; урамда һәм юлларда үз –үзеңне дөрес тоту культурасын формалаштыру. Кичә ярыш формасында барды. Укучылар 2 командага бүленеп катнаштылар. Һәр команда сорауларга бик төгәл җавап бирделәр, юл йөрү билгеләренең килеп чыгу тарихы белән таныштырдылар. Арча ЮХИДИ бүлеге финанслау бүлеге мөдире Мөхәммәтҗанова Э.Г. уенчыларбызга истәлекле бүләкләр өләште. Чараны педагог-оештыручы Гарифуллина Л.Д. төзеде һәм алып барды.