31 нче октябрь көнне мәктәбебездә педагогик киңәшмә булып узды. Биш көн тәртибен үз эченә алган киңәшмәдә күп мәсьәләләр хәл ителде. Беренче көн тәртибендә 2016-2017 нче уку елының беренче чирек нәтиҗәләре, укуның сыйфаты, мәктәпкә йөреш белән һәр класс җитәкчесе таныштырды. Икенче көн тәртибендә мәктәп директоры Сабирҗанова Н.Б. бердәм дәүләт имтиханнарына булган таләплар, бурыч- максатлар белән тагын бер тапкыр таныштырды. Имтиханнарга хәзерлек, пробный ЕГЭ нәтиҗәләре турында сөйләшенде. Өченче көн тәртибендә фән укытучылыры мәктәп олимпиадалары, район олимпиадаларына әзерлек турында сөйләделәр. Дүртенче көн тәртибендә укыту эшләре буенча директор урынбасары Хаирова Г.С. "Дәрескә куелган максатларга ирешү, аңа куелган вакыт" исемле доклады белән чыгыш ясады. Бишенче көн тәртибендә ноябрь ае һәм көзге каникулга төзелгән эш планы һәм приказлар укылды.