1552 елның 15 октябре. Бу көн милләтебез тарихына иң фаҗигале һәм иң  олы кайгылы көн булып кереп калган. Бүген борынгы дәүләтебез Казан ханлыгының Рәсәй илбасарлары тарафыннан яулап алынуына 446 ел тулган көн. Явыз Иванга әсирлеккә китәргә мәҗбүр  ителгән  аның ханбикәсе Сөембикәнең тоткынлыкта каңгырып вафат булуына да быел 441 ел тула.

Шул дәвердән бирле күпме сулар аккан, дөнья киңлегендә күпме тарихи вакыйгалар булып узган, әмма халкыбызның азатлыгы өчен  башларын салган Сөембикә-ханбикә, Япанчы, Кол Шәриф һәм аның шәкертләре, Казанны саклаганда соңгы тамчы канынача көрәшкән һәм шәһит киткән каһарман әби-бабаларыбызның якты истәлеге милләттәшләребез күңелендә азатлык, көрәш символы булып мәңге сакланыр. Бу көн – изге көн.

Бүген хәтер көнен ерак Австралия, Төркия, Кипр, Финляндия, АКШ та яшәүче милләттәшләребез дә билгеләп үтә. Бу көн "Матәм көне-Хәтер көне" дип түгел, ә күңелләребезне сафландыру, пакъландыру, чистарту көне дә.

Шушы көнне искә алу уңаеннан, 2-4 сыйныфларда класс сәгате булып узды. Аны сыйныф җитәкчеләре Шиһапова Л.М. үткәрде.