Дөньяда иң кадерле булган әти һәм әниләр турында без күп сөйлибез. Ә менә аларның да әниләре, әтиләре булган, аларга тормыш биргән, аларны кеше иткән кешеләр - әбиләр һәм бабайлар турында алай еш уйламыйбыз. Әбисе, бабасы булган кешенең нинди бәхетле икәнен һәр бала да белә.

     Әбекәй, бабакай! Нинди матур яңгырый бу сүзләр! Бу сүз “Әни”, “Әти” дигән сүз кебек үк якын һәм кадерле.  Әби-бабайларны хөрмәт итәргә, яратырга, кадерләргә кирәк. Алар булмаса, өйдә, гомумән тормышта ямь булмас иде. Аларны рәнҗетү, ялгызларын гына кадырып китү, алар белән дорфа мөгамәләдә булу зур гөнаһ булыр иде.

  Бүген башлангыч сыйныф укучылары үзләренең әби- бабайларын мәктәпкә кунакка чакырдылар.Аларны матур итеп котладылар, бүләкләрен тапшырдылар. Бәйрәмнең икенче өлеше чәй өстәле артында үтте. Өлкәннәр үзләрен хөрмәтләгәнгә бик зур рәхмәт белдерделәр. Бәйрәм белән сезне, хөрмәтле өлкәннәребез!