Бүген безнең мәктәптә Белем бәйрәме үтте. Әлеге тантананы мәктәбебезнең директоры Сабирҗанова Нурзилә Бари кызы ачып җибәрде. Ул балаларны яңа уку елы белән тәбрикләп, сәламәтлек, укуларында уңышлар теләде. Укучыларны шулай ук авыл җирлеге башлыгы Гыйбадуллина Гөлфия Мансур кызы да котлады һәм беренче сыйныфка укырга керүче балаларга истәлекле бүләкләр тапшырды. Авылыбыз имамы Ибраһим абый Исмәгыйлев укучыларга фатихасын биреп дога кылды. Бәйрәмгә килгән кунаклар игътибарына мәктәпнең өлкән сыйныф укучылары һәм беренче сыйныфка керүче балалар бик матур һәм эчтәлекле концерт номерлары тәкъдим иттеләр.